Salmai 147
147
Nöinyö Ngam Tēv Tö Keuheūttöre Chöngö
1Ha-öiny ngam Mā Tēv yin, tön tölöök an ngam tinköknyö nöinyö ngam Tēv hī: pò e nö kumchik ṙô, tölöök ngam nöinyö inrē.
2Vīten Yērusalem An ngam Mā Tēv: hamūl yip Israĕl An tö parāti.
3Ṙāmölōn tī Ap tö tö haṙivlōn: haṙung vah cha inrē.
4Vënyö tūmö në taneūsömat An: kaheuk mine-eny u nö ṙòkhöre.
5Tö kiröng An ngam Mā hī, kalē-ĕ minhôiṅyö inrē: öt tölngu öp mikah Ò.
6Ṙapkö yāich An ngam Mā Tēv: kētö yip tötlöök Anga-aṅ nö el tumlat.
7Tikökhökūö ngam Mā Tēv tö nöinyö: Ha-öiny ngam Mā Tēv hī, hol ṙô tö hārap.
8Ngam mahanyatngö ngam halīöngö tö taṙul: ngam vamī kiyôp i kui rôngö nö sīöp.
9Kētö nya-aṅkūö töṙeūla An: në kūön chehechōn inrē pameunyhökūö Ò.
10Öt ööire An nö i kumlēḵ kōra: öt kuchīkölōn An nö i kalröön tarik.
11Kuchīkölōn An ngam Mā Tēv nö in cha yip tö pa-ekūö tö ò: in cha yip mameūka nö i miṙēlōn Ò.
12Ō Yērusalem, Ha-öiny ngam Mā Tēv: Ō Siyôn, Ha-öiny ngam Tēv.
13Pò Ò nö hangëḵlö inkālkūö minë inkūp: hakôlò yip kūön meh ël meh.
14Vīten lanāmö An nö i kūöngö meh: hatööḵngen meh An tö atra.
15Tīntö öp chöngö re An nö i kui ngih panam: veut ap ṙô Ò nö fal.
16Kētö tacham An tö kënngöre, sā sanôi sīṅp: pirāt nup tö kënngöre An tacham.
17Suktö ngam mak An tö kënngöre sā nya-aṅ: chiāp tökô nö sökhaka nö im laneūchö?
18Söömngö ṙô re Anga-aṅ, ngaich miyëngö u: tölṙô ap kuföt Anga-aṅ nö föötöre, ngaich hëm ngam mak.
19Hameuktö ngam ṙô re Anga-aṅ nö in Yāköp: ngam chöngö Ò in Israĕl, ngam inkaha fālen aṅ in Ò.
20Öt ngati tī nö i vē tahëng tarik: hö-ö yin nö akahakūö tö u, nup inkaha fālen aṅ in Meh. Ha-öiny ngam Mā Tēv yin.
Currently Selected:
Salmai 147: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
