Salmai 148
148
Invëtö Taṙòkhöre Aṅ Ngih Panam Nö Ha-öiny Ngam Tēv
1Ha-öiny ngam Mā Tēv yin, Ha-öiny ngam Mā Tēv yin ṙeū-eung el halīöngö: ha-öinyan lātulöng.
2Ha-öinyan, ṙòkhöre ma-aṅhānga: Ha-öinyan yī-ö tömaṙôngö.
3Ha-öinyan, tavūöi, chingëṅt: Ha-öinyan ṙòkhöre taneūsömat hanātö.
4Ha-öinyan, yī-ö halīöngö ngam halīöngö: yī-ö mak inrē lātulöng tö ngam halīöngö.
5Hökngen u nö Ha-öiny ngam Mā Tēv: pòn chöngu Anga-aṅ ngaich tövīlöng anū-ö.
6Haköpngö u inrē Anga-aṅ nö tö örheūheu: vītö chöngö inrē Anga-aṅ, öp töt hētu nö chuh.
7Ha-öiny ngam Mā Tēv, ṙeū-eung el tumlat: yī-ö palēt, ṙòkhöre mai inrē;
8Tameūyö, tökumul kumṙah inrē tacham tökënngöre, hanusngö inrē: kuföt chanôchö, hateungngö ngam ṙô Ò.
9Rôngö, ṙòkhöre rung inrē: chōn tö ṙôngu, ṙòkhöre sītör inrē.
10Töṙeūla, ṙòkhöre nuā inrē: ṙameūla: kumteū inrē chehechōn.
11Rācha ngih panam, ṙòkhöre tarik inrē: kūön rācha, ṙòkhöre ma-akah fālen ing panam.
12Hĕnghöre tö-ayal tarik: tö-ayal kikānö inrē.
13Hökngen cha nö Ha-öiny ngam mine-eny ngam Mā Tēv; tön höng hĕng an ngam mine-eny Ò nö hapōīlöng: lātulöng ap minā-aṅ Ò töng panam, halīöngö inrē.
14Ngaich Anga-aṅ nö hachohlö ap sinrōl yip tarik re, nö nöinyö aṅ i yip töhet nö ṙòkhöre: vē kūön Israĕl, vē tarik tö röhta nö in Ò. Ha-öiny ngam Mā Tēv yin.
Currently Selected:
Salmai 148: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
