Salmai 146
146
Nöinyö Ngam Tēv Ngam Mahayööken
1Ha-öiny ngam Tēv yin, Ō nômö chu: Ha-öiny ngam Mā Tēv.
2Ha-öiny ngam Mā Tēv chin min isaha re aṅ: tikökṙôre chin tö nöinyö ngam Mā Tēv isaha chu öich tarik.
3Uh man hayönglenre i kūön rācha, un rēhĕn i kūön tarik: im töt kô nö hayöölen.
4Meutnyi ap unhômö ò, havantöre ngaich anga-aṅ nö el tumlat: im hē e angū-ö sakāmö ngaich, nuk lōn ò nö hatngö.
5Tö ṙāmölōn öp anga-aṅ öp tö hōluṙen tö aṅ im Tēv Yāköp: öp mī-im Mā Tēv maheūṅkka, ngam Tēv Ò.
6Ngam vamī-il halīöngö tumlat inrē, ngam mai, ṙòkhöre nup ël e inrē: örheūheu An nö tö kô-en.
7Ngam kamhòṅklökui tö hakihtuṙen; kamëtö nyā-aṅkūö tö kapahare inrē: ngam Mā Tēv lamuhlö tökē-ĕ;
8Ngam Mā Tēv lamöpnyökūö mat töt meuk, ngam Mā Tēv mahachohlö tö sangônköti: ngam Mā Tēv tö hāngenlōn tö lanöökö.
9Aṅtö aṅ tahëng An ngam Mā Tēv; ṙapkö kūönyōich An, tafīösi inrē: afatlöng pöri öp talöökö tötlöök.
10Hayöng An ngam Mā Tēv nö örheūheu, ngam Mā Tēv Meh, Ō Siyôn: i tumkölchap tarik. Ha-öiny ngam Tēv yin.
Currently Selected:
Salmai 146: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
