Salmai 145
145
Tinkökö Nöīnyö
1Tēv chu, hapōilen Meh chin, Ō Rācha: hakôlò ngam mine-eny Meh chin örheūheu.
2Kaheuk sakāmö chin min hakôlò Meh: Ha-öiny ngam mine-eny meh min inrē örheūheu.
3Tökiröng An ngam Tēv, tö hòṅ tumlönglöng nöinyö: öt chanöhen ap ṙôkö Ò.
4Hĕng köl chap söl ip tahëng min nö eū minë la-en Meh: vënyö nup tökiröng la-en Meh min inrē.
5Ngam tökôlò ineū-euṅ ngam minā-aṅ Meh: nup pinngangkūö la-en Men min inrē, piṙūtkö chu.
6Vē tarik min inrē nö kakkö kumlēḵ nup tö pahe-ev la-en Meh: vënyö ṙôkö Meh chū-ö min inrē.
7Ṙôtö kanöpölōn re yin min tö ṙôkö lanöökö Meh: ngaich tikökngö ngam lanöökö Meh min.
8Tö aheuk An ngam Mā Tēv, tööḵlö An inrē tö miṙēlōn: öt veūtö lanīnö, tö kiröngö miṙēlōn inrē.
9Löökö tī An ngam Mā Tēv tö taṙòkhöre: i kui nup la-en Ò nö ṙòkhöre nup miṙēlōn Ò.
10Ṙòkhöre nup la-en min nö ha-öinyö Meh, Ō Mā Tēv: hakôlò Meh min inrē yip töhet Meh.
11Ṙô tö kanôlò ngam pūlngö yip min: kahòkkö minhôiṅyö Meh inrē;
12Nö mikahtölōn kūön tarik: tö nup minhôiṅyö la-en Ò.
13Tö örheūheu an ngam pūlngö Meh: köp ngam pūlngö min keuheūt michaplö tarik.
14Ṙapkö yip töfukngö An ngam Mā Tēv: ngaich hachohlö yip tö sangôngköti.
15In Meh mat yin vē taṙòkhöre: ngaich kētö nya-aṅkūö cha Me-eṅ ip tölöök ṙētak.
16Löpnyökūö eltī re Me-eṅ: ngaich hatöö-önglōn në tö aṅ.
17Tö chip An ngam Mā Tēv i nup talöökö Ò: tö aheūkölōn nö i nup la-en re.
18Röhta An ngam Mā nö in cha yip mahavëken Ò: in cha nö ṙòkhöre yip tökô-en nö havëken Ò.
19Hatööḵngölōn cha An yip tö pa-ekūö tö Ò: hang ṙô cha An min inrē, hayöölen cha inrē.
20Aṅten cha An ngam Mā Tēv, yip tö hāngenlōn tö Ò: ṙòkhöre pöri yip tötlöök nö piyāyi.
21Ṙôtö nöinyö ngam Mā Tēv ön min ngih elvāng chu: hökngen taṙòkhöre tarik yēḵ nö örheūheu nö Ha-öiny ngam töhet minënyö Meh.
Currently Selected:
Salmai 145: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
