Salmai 144
144
Ha-öīny Ngam Tēv Ngam Rācha Yěn Mihòiṅ
1Tökôlò An yēḵ ngam Mā Tēv, ihong chu: ngam mahachōtö tī chu kiyung, në kuntī chu inrē nö kilöön.
2Hanāngen neūkölōn chu, chūök chu kiyung, tö marô-òlkui chūök chamônghöl, ṙamānyen chu inrē: lanaklö chu, chūök chu inrē hayönglenre; tö mihôiṅ tö yip el katòh chu tarik.
3Mā Tēv, asuh ang ngòh tarik, töp lökten Meh miṙūöt tö ò: hēk ngòh kūön tarik, töp lökten Meh mikūöṙen tö ò?
4Höng sā tö rö-ö ön ngòh tarik chaṙēvi nuk sakāmö ò nöng sā nyat.
5Supōn tö ngam halīöngö, Ō Mā Tēv, Öm yônti! lūölkö minë rôngö, hòṅ u nö lūlu.
6Kavaltö ngam hanyālö, pirātngen cha: lirenyngö nup chòk Meh, Öm mihôiṅ tö cha.
7Löktö lātulöng hateutnyö kël re: kē-ĕ chu, ṙānyen chu ṙā-ang el öp yöng mak, ṙā-ang eltī yip aṅ tahëng;
8Yip tö ṙô tö töng rö-ö: ngaich nup lā hāmö kël cha nö kël minyôiny.
9Ō Tēv, in Meh chin min tiköknyö tufömngöre tinkökö: tikök salmai chin min öich ha-öinyö Meh, ip tö sömö inröt ranöng.
10Anga-aṅ An kamëtö inyööken nö i yip rācha: kamënyen Tāvit ök tarik Ò, nö i kūö chökhukūö sanët.
11Kē-ĕ chu, ṙānyen chu, ṙā-ang eltī yip aṅ tahëng, yip kamhòṅkkö töng rö-ö: nup lā hāmö kël cha inrē nöng kël minyôiny.
12Hē yip kikōnyö kūön hī min nö sā sanīöpö chōn ip inyālö cha: yip kūön hī kikānö inrē nö sā ihong sinkeukngö tö hūlö, sā inlahen patī rācha.
13Hē nup chūök sāiny hī nö tööḵlö tö tökeuheūttöre aṅ panô-òṅ, ngaich nup sīṅp hī nö köṅnyu kūön, söm köṅny inrē nö el taṙeū hī;
14Hē nup nuā hī nö langan tö kum re: öt kiyūngö, ötkē-ĕyö, öt vahënyuvö nö el talöökö hī.
15Ṙāmölōn yip tarik i tö ngatī: hôṅ, ṙāmōlōn yip tarik, yip tö Tēvu tö ngam Mā Tēv.
Currently Selected:
Salmai 144: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
