Salmai 143
143
Invëkö Hinòlṙen
1Hang vine-eṅkūö re tö chu, Ō Mā Tēv; kētö elnang re i në vine-el kui tö chu: in kanô-en Meh, lanöökö Meh inrē sapṙô chu.
2Uh Man kētö ngòh tarik meh nö im inkaha fālen: tön öt hĕng tak tarik tö aṅ tökô nö ṙālöngö.
3Pò ngam lā-al chu nö hakihten nômö chu; röönten chu an el tumlat: vīten chu an iyöng el tö sangūla chūök, sā yik kupah tö ha-ehangen.
4Lökten ön ngih nômö chu nö öt kalē-en nö in chu: öt aṅhav ap fanöinylö chu nö ellōn chu.
5Köpölōn chin tö nuk sakāmö hötṙeh: piṙūtkö nuk la-en Meh chin; fēken nuk la-en minë kël Meh chin.
6Tarāklö në kël re chin in Meh: haṙeh ön ngih nômö chu tö Meh, sā tö ngehngö panam.
7Hēṙen sapṙô chu, Ō Mā Tēv; öt kalēḵ ön ngòh ma-alaha chu: Um hanyatngökūö re tö chu, hòṅ chu öt sā cha yik tö ngaich nö chuh el anūlö.
8Vīten chu Man hang ngam hanāngen neūkölōn tö el peuheū; tön in Meh chin hayönglenre: vīten chu akahakūö tö ngam talöökö Meh ngam lahök ël chu; tön kū-ö tö in Meh an ngam ellōn chu.
9Ō Mā Tēv, ṙānyen chu ṙā-ang in yip lā-al chu: in meh chin hanyatlöre.
10Haköpten chu öich lök lōn Meh; tön Me-eṅ Man Tēv chu: hökngen ngam fanöinylö nö hachōkūö chu, im panam tö ṙā-akūö.
11Ō Mā Tēv, ha-aṅhaṅ chu, sā Meh Öm Me-eṅ: im lanöökö Meh kēnyen chu ṙā-ang el kanihngen.
12Im hanāngen neūkölōn Meh, rökngen yip lā-al chu, piyāingö yip töt mahakôlò ngih nômö chu nö ṙòkhöre.
Currently Selected:
Salmai 143: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
