Salmai 138
138
Ṙô Maha-öiny
1Keuheūttö ellōn re chin min ha-öinyö Meh: tikökṙôre chin min tö nöinyö Meh i kūö nup tēv.
2Sōntö re chin min kū-ötö ngam töhet chūök Meh, ngaich Ha-öiny ngam minë-eny Meh kūö ngam hanāngen neukölōn Meh, kūö kanô-en Meh inrē: pò meh hapōilö ngam ṙô Meh lātulöng tö ngam mine-eny Meh.
3Ip sakāmö chu havëken Meh ngaich sapṙô chu Me-eṅ: haruhlö alaha chu Man ngaich, tö kumlēḵ ellōn chu.
4Ō Mā Tēv, ṙòkhöre yin min vē rācha ngih panam nö ha-öinyö Meh: pò cha nö hang nup ṙô Meh.
5Hôṅ, tikökngö lanöökö ngam Mā Tēv yin min: pòn kiröng ngam kanôlò ngam Mā Tēv.
6Pòn pòrô nö marô-òl chūök ngam Mā Tēv, sön Anga-aṅ nö milēḵṙen tö yāich: ngòh mahakeūlenre pöri akahakūö Anga-aṅ tö ò nö marôvat.
7Ha-aṅken chu Me-eṅ min, pòrô öich lök ellōn kanihngen: silô tö këlre Man min im tanānyö yip lā-al chu, hayöölen chu min ngam lahāmö kël Meh.
8Kētöre An min ngam Mā Tēv nö holṙen chu: Ō Mā Tēv, köp an ngam miṙēlōn Meh nö örheūheu. Unṙā-ayö minë lā-en minë kuntī Meh.
Currently Selected:
Salmai 138: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
