Salmai 137
137
Inrāmöre Tö Yik Israel Nö El Inkövö
1I kui nup tahël i Pēpilön umuh ihö ūichhaka: hôṅ, peuiny ihö, hē ih fēken Siyôn.
2Seūngö nuk ranöng re īhö: i rōi nuk tö möi chōn.
3Pò yik mahakövö ih nö hōten ih tikökṙôre, cha-a inrē yik mahakihten ih nö hōten ih kuchīkölōn, nö ngö ṙô:
4Hĕng höiny yin tiköknyö tinkökö ngam Mā Tēv: i tö tohtöre panam?
5Ō Yērusalem, yē chu vaichngö tö Meh: hökngen në kël chu nö vaichngö tö nup huneū-en Ò.
6Hökngen ngam litāk chu nö tanlö nö el mirāḵlö chu, yē chu öt köpölōn tö Meh: yē chu öt sumötlen Yērusalem nö tulöng tö ṙanāmölōn chu.
7Ō Mā Tēv, köpölōn Man lā-al yip kūön Ētöm i sakāmö Yērusalem nö fukngö, yik tö ngö ṙô: Piṙāptö kui e, piṙāptö kui e! Söl ip rööntö machööḵlö e.
8Ō kikānö kūön aṅ Pēpilön, yī-ö tö halëli min: tö ṙāmölōn öp min anga-aṅ rameushen Meh, sā tī Meh tö ih.
9Tö ṙāmölōn öp min anga-aṅ öp kamë yip kūön Meh: nö pinyāichngen cha nö i kui ihong.
Currently Selected:
Salmai 137: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
