Salmai 11
11
Inyönglen Re Im Tēv
1Im Mā Tēv chin hayönglenre: sitih öi ngö ṙô töng nômö chu, Kiteūngöre man sā chehechōn i kui ngam rôngö meh?
2Yĕh meuk öi tö ngam tötlöök nö sōntö linreny re, lēnö tī yin tö chòkre nö im inröt: pò cha nö hòṅ el sinngūlö nö lireny ngam töchiplen ellōn.
3Yē minë rööntö nö tiṙōli: suh ap kanô-òṅ ngam tölöök?
4El ngam Töhet chūökre an ngam Mā Tēv, el halīöngö an ngam kantēra ngam Mā Tēv: meuk nup mat ò, nup taseū mat ò, kalah yip kūön tarik.
5Kalah tölöök an ngam Mā Tēv: surīkhö ngam tötlöök pöri ngam töhangenlōn inrē tö inngëtachōich.
6Ṙöstö kumṙah tinngöp an min nö i kui tötlöök: tameūyö ihong, töṙāich kuföt inrē, aṅ chūök òk cha min.
7Pò ngam Mā Tēv nö töchiplö; hāngenlōn an tö lanöökö: hatīönkö kūö ò yip min töchiplö.
Currently Selected:
Salmai 11: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
