Salmai 12
12
Invëkö Hinòlṙen
1Holṙen, Mā Tēv, tön öt ōtre tölöök tarik: pò yip tökô-en nö öt kô-òlkui nö in vē kūön tarik.
2Kö ṙô tö chanök alaha yin nö i holre: hol tö inrōyö i minuh cha, hol tö tö nët ellōn inrē cha-a nö ṙô-òv.
3Rökngen minuh maharōi ṙôre an min ngam Mā Tēv: ngam litāk tökiröngö ṙô;
4Ngam tö ngö, Aṅtī tö litākre in min mihôiṅ: kanahngen hī nun në minuh hī: Chiāp mā i kui hī?
5Pò ngam nāichngen yāich, pò ngam inlöinyö chanökö töhāṅten: Ngaich chin öich choholre, ngö ṙô ngam Mā Tēv; lā im chūök öt pinlā-ngen tī chin min tö ò ngam hayëḵngen cha.
6Töhet nup ṙô ngam Mā Tēv: rupīö tö kalaha lanöökö nö i kūö ngam panam, tösat heuh inhetlö.
7Ō Mā Tēv, aṅten cha man min: laklen cha man min löktö kūö ngih tumkölchap höng örheūheu.
8Keuheūt lā-a ngam tötlöök nö kiröön: yē ngam tötlöök nö hapōilöng nö i vē kūön tarik.
Currently Selected:
Salmai 12: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
