Salmai 108
108
Invëkö Hinòlṙen Re Tö Yip Lā-al
1Ō Tēv, köpta an ngam ellōn chu: tikökṙôre chin min hôṅ, tiköknyö nöinyö chin min, hol tö ineū-euṅ.
2Choholre, tiköknyö salmai, röng hārp inrē: ka-euilökūö chin min chū-ö choholre.
3Ō Mā Tēv, ha-öinyö Meh chin min i yip tarik: tikökṙôre chin min tö nöinyö Meh i yip pumnāmö tarik.
4Pò ngam neūkölōn Meh nö kiröng, tulöng tö ngam halīöngö: söllö inrē ngam kanô-en Meh nö el taṙul.
5Ō Tēv, hapōilöng Man yēḵ tulöng töm halīöngö: ngam kanôlò Meh lātulöng tö ngih panam.
6Hòṅ ngam hanāngen Meh nö ṙānyuvö: aṅtī tö ngam lahāmö re Man hayööken, sapṙô ih inrē.
7Ṙô-òv An ngam Tēv nö i hanëtöre; pōi ṙanāmölōn chin: harēvö Sīkem chin min, kalah ṙôkö öp achāṙö Suköt inrē.
8Chū-ö chu an Kilīöt: chū-ö chu Manasē: lanaklö kui chu inrē ang Ifrēm; kamëtö chöngö ang Yūtā.
9Tanīöyö chūök sanöich chu an Mô-ap: kavaltö kunröpöre chin min in Ētöm; hūḵtö kui Filistia chin min.
10Achīö ap min kamëhetnen chu el öp tö kinlōngu panam? Achīö mahachōten chu i Ētöm?
11Ō Tēv rööm Me-eṅ kamvalngen ih? Ngaich rö-ö Me-eṅ, O Tēv, kiröönngöre hol yip kumyunglen ih.
12Holṙen ih lā-al ngam lā-al ih: tön höng chanök alaha öp hinòlṙen aṅ i tarik.
13Lökten im Tēv in min kalēḵ: pòn Anga-aṅ min ramööntökui yip lā-al hī.
Currently Selected:
Salmai 108: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
