INCHŌḴ-OṘÔ 2
2
Raneushö Ngam Mikah
1Kūön chu, yē meh kē në ṙô chu hachūökngö në chöngö chu inrē in meh nö töpōiṙāi,
2Vī ngam elnang meh nö hangihtöre tö mikah harôntö ellōn re inrē i mikah elmat;
3Hòṅ, yē meh havëkö öp lamātuhēt hachônglôre inrē tö mikah elmat,
4Yē meh chöhö e nö sā rupīö lukken e inrē nö sā tönyatngö töpōiṙāi chehen;
5Ngaich me-eṅ min akaha elmat tö pinhë-eṅkūö töm Mā Tēv kôtökūö inrē tö mikah aṅ im Tēv.
6Pòn kētö mikah ngam Mā Tēv; lökten elvāng ò nö yih inkaha mikah elmat inrē.
7Hachūökngö tölöök mikah an hinöngken töchiplô; lanaklö cha an yip lamök i hinëngö,
8Aṅtö kanröönö tötmichūṙen kinṙôka haköpkö talöökö yip töhet aṅ in ò.
9Ngaich me-eṅ min akaha elmat inrē tö lanöökö kinṙôka inrē töt michūṙen töṙong, tölöök kanröönö inrē;
10Pò ngam mikah min nö meuthöt nö ellōn meh kuchik min inrē nö ellōn meh ngam inkaha;
11Aṅten meh an min ngam huneū-eu elmat; aṅten meh min ngam mikah elmat;
12Ṙānyen meh ṙā-ang i talöökö tötlöök, ṙā-ang i tarik töchōchöṙô.
13Yip ṙāmā-ang kanröönö tölöök nö lök el talöökö sinngūlö.
14Yip töṙāmölōn nö la-en tö tötlöök tökuchīken inrē nö i chanôchö tötlöök;
15Tarik tökurôkö kanröönö, yip tö chavīṙa talöökö inrē.
16Yöölen min me-eṅ tötayōla kikānö, tö nup tövai ṙô löknyö elvāng ò,
17Ngam ṙāmāngö hol inyālöre vaichngö inrē tö kinlēḵngô nö im Tēv;
18Pò öp patī ò nö chalipköti nö im kinpaha, kanröönö ò inrē nö i nup nyat;
19Öt havan yip chamuh in e öt rēhĕn cha-a nö teūngen tö kanröönö nômö.
20Lökten man hòṅ lök el talöökö tarik tölöök haköp ngam kanröönö tölöök inrē.
21Pò yip töchiplö min nö iyöng im panam, köp inrē nö in e töhēngòng ellōn tarik;
22Rökiṙen pöri öp tötlöök nö ṙā-ang im panam, teuklöngö inrē öp tömichūḵ chanökhuṙen nö ṙā-ang in e.
Currently Selected:
INCHŌḴ-OṘÔ 2: CANIBSI
Highlight
Share
Compare
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
