Isayā 12
12
Tinkökö Nöinytö Tī Ngam Tēv
1Ngö ṙô min me-eṅ ip sakāmö angū-ö, Ha-öinyö meh chin, Ō Mā Tēv; pò meh pòrô līn in chu, ngaich ök lanīnö meh nö havööṙikūö, ngaich me-eṅ haṙamlōn chu.
2Yĕh meuk, inyööken chu an ngam Tēv; hayönglenre chin, ngaich öthō min pa-ekūö: kumlēḵ chu an tinkökö chu inrē ngam Mā Tēv Yavē; inyööken chu an inrē nö vītenre.
3Lökten yin min ṙāmölōn fòk mak el nup tö-ūlö mak aṅ im inyööken.
4Ngaich ip sakāmö min angū-ö öi ngö ṙô min, Ha-öinytö tī ngam Mā Tēv, havëkö minë-eny ò, vënyö nup vahīṙen ò in yip tarik, kakkö öp minë-eny ò nö hapōilöng.
5Tikökṙôre im Mā Tēv; tön tītö pinngangkūö An: hökngen e nö akahaiṙen i në taṙòkhöre panam.
6Pōitô hū-a inrē, me-eṅ aṅ Siyôn; tön kiröng an ngam töhet aṅ in Israĕl nö el ṙôngö meh.
Currently Selected:
Isayā 12: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
