YOB 8
8
1-2Ni ahsheih khekkü singiotsün khemiu süne?
3Goa nou ngiotsüo tilaitso tsühesoji;
Ti ayam atha noin nung chhisiya au apaüh tilaitso tsüphioji.
4Athsosoüh Goa thako angei sunkü noi-e,
nung shioko apaüh ngüsoüh epau maikü angja-i-iu.
5Lüko lo aphokle küta Akongteng Goa ta lükoja;
6ni thatü ngiotsüo naiuso sanglingkü naito,
nungai Goa shiküta ni hachu-e,
naiuso ni nou paopeili atsammongso laokiu shi-e.
7Nungaito Goa nou nihau ti kiu-e
nungko ni iantsün jengtsaiu chikü tü veluauto ti tsünoi-e.
8Akenghai mongthat mongsai nou ta atao letletkü thaiutha athaplu;
sam posoüh ngeloutsün ngiotsüo nouso lüyangsan.
9Sam aakih to letletkülu, samüh titso tsünge;
goumchi nou ah-khemsoli sam yankü khuwanji.
10Lüko nitüto akeng khaiunia angehoi nou lütsande-i;
Ngüsoüh ti ngioau noin nung tü a-anglu:
11“Hotükhak nou khiam tsünoikü nai tsüsongji;
themjei tsünoikünai ngüso tilaitso tsüepji.
12Lamsankü kankeiau thatü henkü lüko khiam appan naito,
ngüso chongting au thekü wonanji.
13Goa tsühakün khaiuniahoi nung hotukhak nouso khekkü noin;
jam goa bean naito, ngüso ayang mowaniu.
14Ngüsoüh mekhakha aochan-ewoi tsak da monglamji.
15Ngüso mekhakha aochan tü niolut naito-
nungüh ngüso tsüsalikü yangjeiau shio-e süne?
Ngüsoüh ewoi tsak ta helounai,
nungüh ngüso tsakü noiau hachu-e süne?”
16Tsümeikün khaiunia nouso aje nai chih ai eiu khutsün khekkü noin,
aimong chikü thapukkü chih ai eiu khutsün khekkü noin.
17Nung eiu nousoüh lung nouso lemkü tsamlutji naiuso lung jijikü da thsüokü mongkü yaplutji.
18Lüko nungso apem sekan nai-
nungso nung lung ta yaplutkü noiküla ta sauüh tilai tsüngeji.
19Ah, tsümeikün khaiuniahoi amongling chikü nai nunglu noin;
loto amaohai shiji naiuso ngüso athang nouso lowanji.
20Lüko Goa nou amonglam khaiunia tilaitso tsüleanji
tsüdekünai tsümeikün khaiuniahoi hau ahachu tilaitso tsükiu-e.
21Loüh apaüh nihau nyai-i-e naiuso ve-i-e,
22lüko ni lon chinyantsünso khako apaüh amiam nou kankü shikiu-e,
naiuso akausai khaiuniahoi nouso tsam tsünoikü iula-e.
Yob
Currently Selected:
YOB 8: KHIABSI
Highlight
Copy
Compare
Share
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
