YOB 7
7
1Khaiunia aa nou süpai chhisiya oukong,
achek chaichen chhisiya aa tsak khekkü,
2tsamki tsak chhisiya nai ah-khemso aiutsün khekkü;
chhi chhitsün tsaküh apa amai epau taiutsün khekkü noin.
3Ngü alei ainou alei ta ngo kih au ti tsünoiji;
asoh ainou asoh nou ngo hau amongsaiu kankü shikiuji.
4Tilai ngo asaiau monlühongji, atao nou laiula anji;
Ngo asoh chikü monkeikü ah-nge nou ta mongchetji.
5Jüpem sung nousoüh mean;
nung chaikia khup nou lopokkü noin;
jü mou nouso ainou tsao thsan-iji.
6Jü ajekhaiu nouso ayang tsünoikü yanlükhunji,
nung nela shimphean tü khaolaokü khuwanji.
7Oh Goa, jü aa nungto ilo tsaklu ta ayangsan;
jü amongling nou thonaniu.
8Ni ngo lo epji, lüko tilaitso tsüepshi-e.
Ni ngo tü yam nai, ngo khuwankü noi-e.
9-10Thengmiakhao asun tsak nyiomkü khuwantsün khekkü,
khaiunia tsak eanji loüh tilaitso laokü tsüshi shiji;
sauhaiüh apa ngekü noiküla nungso chikü nou apa peanji.
11Tsüde! Ngo tsamkü noiau tsüshio!
Ngo khosakkü mongmatji.
Ngo singioau noin.
12Ni ngo tiauta ehükü wan?
Ngo she asongai noitsün thainian tsak ta ni yangjiso?
13Ngo monlühong küta ahlou au koweji;
Jü akiasung ainou ngo atsamlou au thaiutha yamji.
14Lüko ni ngo meamean nou lohatji;
ni jüdongai atsangshei naiuso meamean nouso hongshiji.
15Nung akuothe pem aa noitsünko naito
ngo thsa-atkü wannaibao chenela.
16Ngü leanji; ngo aakih nou oukiakü noin.
Ngo pemsa awan; tiautenai jü aa nung isa tsaklu noin.
17Athaiutha khaiuniathso nou tiauta thatü atengting noin?
Apaüh ti chhiji nung ta tiauta mongkiuji?
18Ni apatü ahom tsütokü sailuji
naiuso apa münet pungkü theluji.
19Jü lei mioliau thaiuthako
jü thaiutha ni tilektso jüdongai tsüthapkü noisome?
20Ni aketsam jimtsün,
jü angeiüh ni tawain süne?
Awatthat dunluau ngo tiauta kankeiji?
Athaiutha ko ngo thsale asong tsak süne?
21Jü angei tilaitso ni wankiuau tsüshio süne?
Jü aphio chhisiya nai wankiuau tsüshio süne?
Shakta ngo jü etam nai nappan-e,
naiuso tilai ni ngo yame nungaito ngo khuwankü tha-e.
Bildad
Currently Selected:
YOB 7: KHIABSI
Highlight
Copy
Compare
Share
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
