Psonm 148
148
Liniver Antye! Loue Bondye
1Loue SENYER!
Loue SENYER depi dan lesyel!
Loue li lao lo bann oter!
2Tou bann lanz! Loue SENYER.
Tou liniver! Loue li.
3Soley ek lalin! Loue li.
Loue li! Tou bann zetwal ki briye.
4Loue li! Lesyel ki lao
e bann delo ki par lao lesyel.
5Zot tou! Loue non SENYER.
Akoz i ti donn lord e zot ti ganny kree.
6In etabli zot pour touzour.
In fikse en lalwa
ki bezwen touzour ganny obei.
7Loue SENYER depi lo later:
Zot tou bann mons ki viv dan lanmer
e lezot ki viv dan profonder losean;
8dife ek lagrel, lannez ek brouyar,
tanpet divan ki egzekit son komannman!
Loue SENYER!
9Bann montanny ek kolin;
pye fri ek tou bann pye sed;
10zannimo sovaz ek bann troupo;
reptil ek zwazo;
11bann lerwa lo later e tou bann pep,
bann sef e tou bann dirizan lo later!
12Bann zennzan ek bann zenn fiy,
bann vyeyar ek bann zanfan!
13Loue non SENYER
akoz son non i pli gran ki tou.
Son laglwar i depas later ek lesyel.
14In rann son pep son lafors.
Son bann fidel i sant son louanz.
Pep Izrael i en pep pros avek li.
Loue SENYER!
Currently Selected:
Psonm 148: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
