Psonm 149
149
En Kantik Louanz
1Loue SENYER!
Sant en nouvo kantik
an loner SENYER!
Loue li dan lasanble bann fidel!
2Izrael! Montre ou lazwa akoz ou Kreater.
Zabitan Zerizalenm! Selebre zot lerwa.
3Loue son non avek ladans,
avek tanbour, avek laarp;
zwe bann lenstriman lanmizik
pour loue son non.
4SENYER i pran plezir dan son pep;
i donn laviktwar bann ki pov.
5Sant son laglwar, zot bann fidel!
Sant zot lazwa ler zot dormi!
6Ranpli zot labous
avek louanz an loner Bondye
avek zot lepe fite dan zot lanmen,
7pour vanz bann nasyon
e pini bann pep;
8pour atas bann lerwa avek lasenn
e zot bann sef avek bann lasenn an fer;
9pour egzekit zizman
ki'n ganny prononse kont zot.
Sa i en loner pour tou dimoun
ki obei SENYER.
Loue SENYER!
Currently Selected:
Psonm 149: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
