Psonm 146
146
Louanz an Loner Bondye Sover
1Loue SENYER!
Mon sant louanz SENYER.
2Mon pou sant louanz pour SENYER
tan ki mon vivan.
Mon pou sant pour mon Bondye tou mon lavi.
3Pa met ou konfyans dan bann sef,
dan bann imen ki pa kapab sov ou.
4Kan zot rann zot dernyen souf,
zot retourn dan later.
Sa menm zour, zot bann plan i mor avek zot.
5Byennere sa bann ki Bondye Zakob i zot sekour;
bann ki met zot lespwar dan SENYER zot Bondye.
6I'n fer lesyel, later, lanmer
ek tou sa ki egziste.
I tenir son promes pour touzour.
7I azir dapre lazistis
an faver bann ki ganny kraze;
i donn manze sa enn ki lafen.
SENYER i delivre bann prizonnyen.
8SENYER i ouver lizye bann aveg.
SENYER i redres sa bann ki'n kourbe.
SENYER i kontan sa enn ki obei li.
9SENYER i vey lo bann etranze.
I protez bann vev ek bann orfelen,
me i kas plan bann malfeter.
10SENYER pou renny pour touzour;
ou Bondye, Siyon, en zenerasyon a en lot.
Loue SENYER!
Currently Selected:
Psonm 146: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
