Proverb 26
26
1Parey lannez an ete,
oubyen lapli pandan larekolt pa ale ansanm,
loner pa ale avek en zonm ki bet.
2Parey zwazo ki pase, parey zirondel ki anvole,
malediksyon san rezon pa pran lo personn.
3En fwet pour en seval, en labrid pour en bourik,
en roten pour ledo en fou.
4Pa reponn en fou dapre son lafoli,
pour ki ou menm ou pa vin fou.
5Reponn en zonm fou dapre son lafoli;
sankwa, i pou krwar i en saz.
6Sa enn ki konfye en mesaz avek en fou,
pe koup son prop lazanm e bwar lavyolans.
7En proverb dan labous en fou,
i osi feb ki lazanm sa enn ki bwete.
8Si ou met en ros dan en fles,
i konmsi ou pe onor en fou.
9En fles leve dan lanmen en bwarer,
i parey proverb dan labous en fou.
10En sef ki anploy en fou oubyen en soular,
i fer ditor tou dimoun.
11En fou ki repet son betiz,
i parey en lisyen ki retourn kot son vomi.
12I annan plis lespwar rankontre en fou,
ki rankontre en zonm ki krwar i saz.
13En parese i dir: I annan en lyon dan lari!
I annan en lyon dan milye semen.
14Laport i tourn lo son bann gon,
en parese i tourn lo son lili.
15Sa enn ki pares i plonz son lanmen dan pla;
me i tro fatige pour li anmenn son lanmen kot son labous.
16Sa enn ki pares i krwar i pli saz
ki set zonm ki reponn avek disernman.
Ankor Plis Proverb
17En pasan ki mel li dan dispit ki pa konsern li,
i parey sa enn ki atrap en lisyen par zorey.
18Sa enn ki tronp son prosen e ki apre dir: Mon ti pe zwe,
19i parey en fou anraze ki lans otour li
bann tizon anflanmen, ek bann fles mortel.
20Fot dibwa, dife i tennyen;
kan nepli annan medizans,
dispit i arete.
21Sa enn ki kontan lager e ki provok bann dispit,
i parey sarbon lo labrez e dibwa dan dife.
22Parol sa enn ki dir dimal i parey en draze
ki desann ziska dan fon ou lekor.
23Bann parol amikal sorti dan en move leker,
i parey larzan brit plake lo en po anter.
24Sa enn ki annan laenn i kasyet li dan son mannyer koze;
dan fon son leker, i pe prepar en move kou.
25Pa krwar li ler i koz avek bonte,
akoz i annan set move panse dan son leker.
26Par riz, i kapab kasyet son laenn;
me son mesanste pou ganny devwale devan lasanble.
27Sa enn ki fouy en trou pour tonm ladan;
ros i tonm lo sa enn ki'n roul li.
28Dimoun lalang i deteste sa enn ki i pe kraze;
bann parol anmyele i koz larin.
Currently Selected:
Proverb 26: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
