Psonm 8
8
Laglwar Bondye ek Dinyite bann Imen
Psonm David, pour sef lakoral, avek lakonpannyman laarp Gat.
1SENYER! Ou ki nou SENYER!
Ou non i manifik partou lo later.
Ou laglwar i pli o ki lesyel.
2Labous pti baba ek bann zanfan
i sant ou laglwar.
Ou montre ou pwisans kont ou bann lennmi
e fer ou bann ladverser reste silans.
3Ler mon admir grander lesyel ki ou'n fer,
lalin ek bann zetwal ki ou'n met an plas,
4ki zonm i ete, pour ki ou mazin li
e en imen pour ou pran swen avek li?
5Ou'n fer li en pti pe pli pti ki en bondye.
Ou'n kouronn li avek splander ek laglwar.
6Ou'n donn li dominasyon
lo tou sa ki ou'n kree.
Ou'n met tou anba son kontrol:
7Mouton ek bef, menm bann zannimo sovaz,
8bann zwazo dan lezer,
bann pwason dan lanmer
e tou bann kreatir dan losean.
9SENYER! Ou ki nou SENYER!
Ou non i manifik partou lo later.
Currently Selected:
Psonm 8: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
