Psonm 76
76
Laviktwar I pour Bondye
Psonm Asaf.
1Bondye i renonmen dan Zida.
Son non i gran dan Izrael.
2In etabli son latant dan Zerizalenm.
Son demer i dan Siyon.
3La, i ti kas bann dart laflanm,
bann boukliye, bann lepe ek bann zarm lager.
4Ou laglwar i gran; i pli manifik
ki en montanny piyaz lager.
5Bann brav gerye in ganny arase
tou sa ki zot ti'n sezi.
Zot in tonm dan zot dernyen sonmey.
Personn parmi zot pa'n kapab servi zot lafors.
6Bondye Zakob! Kan ou ti menas zot,
bann kavalye ek zot seval ti tonm san konnesans.
7Ou formidab!
Lekel ki kapab reste debout devan ou
kan ou lakoler i leve?
8Lao dan lesyel, ou rann ou zizman.
Zabitan later i per e zot reste trankil
9ler Bondye i leve pour li rann zizman,
pour li sov tou bann malere lo later.
10Menm lakoler bann imen i rann ou glwar;
ou antour ou avek leres ou lakoler.
11Fer ou ve e gard ou promes
anver SENYER ou Bondye.
Tou bann nasyon dan zalantour
ava anmenn kado
pour sa enn ki formidab.
12I abes lorgey bann sef,
i met lafreyer dan bann lerwa lo later.
Currently Selected:
Psonm 76: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
