Psonm 75
75
Bondye ki Ziz
Psonm Asaf.
1Mon Bondye! Nou loue ou.
Nou dir ou mersi; ou non i pros avek nou.
Nou rakont ou bann mervey.
2Mon pou fikse letan
kan mon pou ziz avek drwatir.
3Later i kapab tranble
avek tou son bann zabitan,
me mon gard son fondasyon ferm.
4Mon dir avek bann arogan:
Pa fer vantar.
Avek bann malfeter: Pa vant zot lekor.
5Ase fer vantar,
ase koz avek larogans.
6Grander pa sorti ni dan Les, ni dan Was;
pa menm dan dezer.
7Bondye ki ziz;
i abes sa enn e i elev sa lot.
8SENYER i tenir dan son lanmen
en lakoup ranpli avek diven for, byen fermante;
i pou donn en pe bann malfeter lo later.
Zot pou bwar ziska lanmar.
9Me mwan, mon pou kontinyen loue li.
Mon pou sant louanz pour Bondye Zakob.
10Bondye pou detri lorgey bann malfeter;
me i pou fer ogmante pouvwar bann zis.
Currently Selected:
Psonm 75: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
