Psonm 70
70
Lapriyer pour Demann Sekour
Pour sef lakoral. Sorti kot David pour en lofrann remersiman.
1Mon Bondye! Delivre mwan.
SENYER! Vin vit pou sekour mwan.
2Kouver sa bann ki oule touy mwan
avek laont ek konfizyon.
Fer rekile avek dezoner
sa bann ki swet mon maler.
3Fer sa bann ki gognard mwan,
tonm dan zot laont.
4Me sa bann ki pe rod ou ava rezouir
e deborde avek lazwa akoz ou.
Sa bann ki kontan ou koman zot Sover,
ava touzour proklanmen:
Bondye i gran!
5Mwan, mon en pov dan bezwen;
Mon Bondye pa oubliy mwan!
SENYER!
Ou mon sekour e mon liberater, pa tarde!
Currently Selected:
Psonm 70: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
