Psonm 67
67
Kantik Benediksyon
Pour sef lakoral. Avek bann lenstriman lakord. En psonm. En kantik.
1Bondye! Akord nou ou lagras e beni nou.
Fer ou vizaz briy lo nou!
2Alor, partou lo later,
dimoun ava konn ou semen;
tou bann nasyon ava konnen
ki ou menm Sover.
3Bann pep! Loue Bondye!
Ansanm, loue li!
4Bann nasyon i rezoui e sante dan lazwa,
akoz ou gouvern bann pep avek lazistis
e ou gid bann nasyon lo later.
5Bann pep! Loue Bondye!
Ansanm, loue li!
6Later in donn son bann rekolt;
Bondye, nou Bondye in beni nou.
7Bondye! Kontinyen beni nou,
e tou bann pep partou lo later ava onor li.
Currently Selected:
Psonm 67: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
