Psonm 63
63
Dezir pour War Bondye
En psonm David ler i ti dan dezer Zida.
1Mon Bondye!
Ou menm mon Bondye.
Mon pe rod ou koman soley i leve.
Mon swaf, mon anvi ou mon Bondye.
Mon lekor i bezwen ou
parey en later ki'n sek, san delo.
2Alor, mon'n kontanple ou dan sanktyer
pour mwan admir ou pwisans ek ou laglwar.
3Ou fidelite i vo plis ki lavi;
mon labous pou proklanm ou louanz.
4Mon pou kontinyen remersye ou tou mon lavi;
mon pou lev mon lanmen
pour glorifye ou non.
5Mon pou rasazye parey avek bann pli bon pla;
mon pou selebre e sant louanz avek lazwa.
6Ler mon alonze lo mon lili, mon mazin ou.
Mon pas tou lannwit mazin ou,
7akoz ou'n vin sekour mwan.
Mon dan lazwa dan lonbraz ou lezel.
8Mon atase avek ou;
ou lanmen pwisan i soutenir mwan.
9Bann dimoun ki pe rod touy mwan
pou desann dan profonder lemonn lanmor.
10Zot pou ganny masakre.
Zot ava ganny devore par sakal.
11Lerwa pou dan lazwa,
akoz Bondye in donn li laviktwar.
Tou dimoun ki pret serman lo non Bondye pou loue li.
Labous bann manter pou reste fermen.
Currently Selected:
Psonm 63: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
