Psonm 64
64
Lapriyer pour Demann Proteksyon
En psonm David. Pour sef lakoral.
1Mon Bondye! Ekout mon konplent.
Prezerv mwan kont lafreyer lennmi.
2Fer mwan sape dan konplo sekre
ki bann malfeter pe fer.
3Zot fit zot lalang parey en lepe.
Zot parol i anmer.
Zot blese parey en dart anpwazonnen
4ki zot tire lo bann inosan
depi kot zot in kasyet.
San averti, zot tire san okenn lafreyer.
5Zot ankouraz kanmarad dan sa ki mal;
zot kalkile kote zot pou met zot latrap;
zot dir: Lekel ki pou war nou?
6Zot prepar zot bann move kou.
Zot dir: Nou'n byen kalkil nou plan.
Lekel ki kapab konn profonder leker imen?
7Me Bondye pou tir son bann dart lo zot;
san tarde, zot pou ganny blese.
8Zot prop parol pou fer zot tonbe.
Dimoun ki war zot i balans latet.
9Tou dimoun pou per;
zot pou proklanm travay Bondye,
e medit lo sa ki i'n fer.
10Dimoun ki zis!
Rezoui dan SENYER.
Pran li pour labri!
Dimoun ki leker i drwat ava dan lazwa.
Currently Selected:
Psonm 64: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
