Psonm 61
61
Lapriyer pour Demann Proteksyon
Poenm David. Pour sef lakoral. Avek bann lenstriman akord.
1Mon Bondye! Mon kriy ou.
Ekout mwan. Ekout mon lapriyer.
2Depi dan bout later, mon pe kriy ou
ler mon dan dekourazman.
Kondwir mwan lo sa ros
kot mon pa kapab arive.
3Ou menm mon protekter,
mon fortres kont lennmi.
4Mon ti ava anvi reste dan ou sanktyer
pour tou mon lavi
e ganny en labri anba ou lezel.
5Mon Bondye! Ou'n egzos mon bann swe
e donn bann ki ador ou, zot leritaz.
6Donn lerwa en long lavi.
Fer li viv ankor pandan plizyer zenerasyon,
7pour ki i reste lo tronn pour touzour devan ou.
Mon Bondye!
Dan ou fidelite ek ou bonte, protez li.
8Alor, mon pou touzour loue ou non
e sak zour mon pou gard mon promes.
Currently Selected:
Psonm 61: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
