Psonm 60
60
Lapriyer pour Demann Delivrans
En poenm David pour donn bann lenstriksyon ler i ti fer lager kont Aranm-Naharaim e kont Aranm-Zoba e ler Zoab ti retournen e touy douz mil Edomit dan Vale Disel. Pour sef lakoral. Dapre ler ‘Lis temwannyaz’.
1Mon Bondye! Ou'n rezet nou.
Ou'n senm dezord parmi nou.
Ou'n ankoler kont nou.
Me aprezan, retabli nou.
2Ou'n fer later sekwe; ou'n ouver li.
Repar bann krevas akoz i pe tranble.
3Ou'n fer ou pep soufer dan letan dir.
Ou'n fer nou bwar diven ki'n soul nou.
4Ou'n donn ou bann fidel en bannyer
pour zot sove devan dart lennmi.
5Par ou pwisans, donn nou laviktwar;
reponn nou e delivre bann ki ou kontan.
6Depi son sanktyer,
Bondye in promet:
Avek lazwa, mon pou partaz lavil Sikenm;
mon pou diviz vale Soukot.
7Galaad i pour mwan.
Manase osi.
Efraim i mon kasket.
Zida i mon baton komann.
8Moab i mon kivet pour mwan bennyen;
mon zet mon sandal lo Edonm.
Mon proklanm laviktwar lo pei Filisten.
9Lekel ki pou anmenn mwan dan lavil fortifye?
Lekel ki pou kondwir mwan ziska Edonm?
10Mon Bondye! Pa ou'n rezet nou?
Mon Bondye! Ou nepli sorti pour konbat avek nou larme.
11Sekour nou kont lennmi;
sekour imen napa valer.
12Avek Bondye, nou pou ganny gran laviktwar.
Li menm ki pou kraz nou bann lennmi.
Currently Selected:
Psonm 60: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
