Psonm 6
6
Lapriyer pour Demann Led dan Letan Maler
Psonm David, pour sef lakoral, avek bann lenstriman wit lakord.
1SENYER! Ou ankoler kont mwan;
me pa pini mwan.
Ou fatige avek mwan;
me pa pini mwan.
2Pran pitye pour mwan, SENYER!
Mon pe deperi;
Geri mwan SENYER!
Mon lekor antye pe tranble.
3Mon lespri osi i trouble.
SENYER! Konbyen letan mon pou espere?
4Retournen SENYER! Delivre mwan.
Akoz ou fidelite SENYER, sov mwan!
5Apre lanmor, dimoun nepli mazin ou.
Lekel ki pou loue ou dan lemonn lanmor?
6Mon fatige afors plennyen.
Tou le swar, mon lili i mouye avek mon larm;
afors mon plere, mon lili i tou tranpe.
7Mon lizye i anfle avek sagren,
mon nepli war kler
akoz mon bann lennmi.
8Zot ki fer sa ki mal!
Ale, les mwan trankil,
akoz SENYER in antann mwan plere.
9SENYER in antann mon siplikasyon.
SENYER in ekout mon lapriyer.
10Tou mon bann lennmi pou onte
e zot pou per;
zot pou rekile, en sel kou, kouver avek laont.
Currently Selected:
Psonm 6: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
