Psonm 53
53
Mesanste Zonm
En poenm David. Pour sef lakoral. Lo laflit.
1Bann fou i dir dan zot menm:
Napa Bondye.
Zot koronpi; zot fer bann keksoz degoutan.
Personn pa fer sa ki byen.
2Dan lesyel, Bondye i get zabitan later
pour war si i annan okenn ki annan disernman,
ki rod Bondye.
3Zot tou, zot in kit bon semen.
Zot tou, zot in koronpi.
Napa personn ki fer sa ki byen.
4Eski sa bann malfeter pa realize
zot pe devor mon pep
kan zot pe manz son dipen
e ki zot pa rod Bondye?
5Alor, zot pou tranble avek lafreyer,
san okenn rezon,
akoz Bondye ava fann lezo son bann lennmi partou.
Zot ava ganny imilye,
akoz Bondye in rezet zot.
6Ti ava bon war delivrans Izrael sorti Siyon,
kan Bondye i retabli sityasyon son pep.
Desandan Zakob pou dan lazwa;
pep Izrael pou kontan.
Currently Selected:
Psonm 53: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
