Psonm 54
54
Lapriyer pour Demann Proteksyon kont Lennmi
Pour sef lakoral. Avek bann lenstriman lakord. En poenm David ler bann Zifit ti al dir Sail: David pe kasyet parmi nou.
1Mon Bondye!
Par ou pwisans, sov mwan.
Par ou lafors, pran desizyon dan mon faver.
2Mon Bondye! Ekout mon lapriyer.
Ekout sa ki mon annan pou dir.
3Dimoun arogan in atak mwan;
bann zonm vyolan i oule touy mwan.
Zot napa okenn panse pour Bondye.
4Bondye i mon sekour.
SENYER i soutenir sa enn ki soutenir mwan.
5I fer maler tonm lo sa bann ki malparl lo mwan!
Dan ou fidelite, detri zot.
6Avek gran ker mon pou ofer ou en sakrifis.
Mon pou loue ou non, SENYER, akoz ou bon.
7Annefe, i'n tir mwan dan tou mon bann traka,
e mon'n get avek plezir defet mon bann lennmi.
Currently Selected:
Psonm 54: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
