Psonm 52
52
Zizman ek Pardon Bondye
Pour sef lakoral. En poenm David ler Doeg, ki sorti Edonm, ti vin war Sail pour dir li: David in antre dan lakaz Abimelek.
1Ou ki pratik mansonz,
ou lalang i fer konplo pour detri,
parey en razwar byen fite.
2Tou lazournen, ou fer konplo zis pou detri;
ou envant mansonz.
3Ou prefer dimal plito ki dibyen,
mansonz plito ki laverite.
4Ou kontan servi parol blesan.
Dan ou labous i sorti zis mansonz.
5Alor, Bondye pou detri ou pour touzour;
i pou sezi ou e trenn ou deor;
i pou derasin ou lo later parmi bann vivan.
6Kan bann dimoun zis pou war sa,
zot pou per; zot pou riy ou:
7Get li sa zonm ki pa'n pran Bondye pour protekter,
me ki'n fye lo son gran larises
e ki'n depann lo son bann krim!
8Me mwan, mon parey en pye zoliv ver
dan tanp Bondye.
Mon met mon konfyans dan fidelite Bondye
pour touzour.
9Mon pou touzour dir ou mersi
pour tou sa ki ou'n fer.
Mon pou proklanm ou labonte
devan ou bann fidel.
Currently Selected:
Psonm 52: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
