Psonm 47
47
Bondye I Kontrol tou
Pour sef lakoral. En psonm sorti kot fraternite Kore.
1Tou bann pep! Bat lanmen.
Loue Bondye avek kantik lazwa!
2SENYER, Bondye Treo i formidab.
I en gran lerwa lo later antye.
3In soumet bann pep anba nou dominasyon;
in met bann nasyon anba nou kontrol.
4In swazir en patri pour nou,
ki fer lafyerte Zakob ki i kontan.
5Bondye i monte dan milye bann laklamasyon.
SENYER i avanse avek lanmizik tronpet.
6Sant pour Bondye! Sante!
Sant pour nou lerwa! Sante!
7Bondye i lerwa later antye.
Sant en zoli psonm pour loue li.
8Bondye i renny lo bann nasyon;
in asiz lo son tronn sakre.
9Tou sef bann nasyon in rasanble
avek pep Bondye Abrahanm.
Tou pouvwar ki lo later i sorti kot Bondye.
I par lao tou.
Currently Selected:
Psonm 47: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
