Psonm 46
46
Bondye I avek Nou
Pour sef lakoral. En sanson sorti kot fraternite Kore, dapre Alamot.
1Bondye i pour nou en labri e en sekour.
I touzour avek nou dan letan maler.
2Pour sa rezon, nanryen pa pou fer nou per:
Menm si i annan tranblemandter;
menm si montanny i tranble dan milye lanmer;
3menm si bann laroul i gronnyen e kimen
e bann kolin i sekwe avek vyolans.
4I annan en larivyer ki anmenn lazwa
dan lavil Bondye,
kot son sanktyer Treo i ete.
5Bondye i dan milye lavil;
i pa pou ganny detri.
Koman soley i leve, Bondye i la pour protez li.
6Bann nasyon i dan lafreyer; bann rwayonm i tranble.
Ler Bondye i fer tande son lavwa, later i fonn.
7SENYER liniver i avek nou;
Bondye Zakob i nou labri.
8Vini! Get sa ki SENYER in fer.
Get bann ravaz ki i'n fer lo later.
9I fer lager arete partou lo later;
i kas bann fles, i detri bann lans;
i met dife dan bann boukliye.
10Arete! Konnen ki mwan menm Bondye.
Mon domin lo tou nasyon;
mon domin lo later antye.
11SENYER liniver i avek nou;
Bondye Zakob i nou labri.
Currently Selected:
Psonm 46: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
