Psonm 4
4
Lapriyer Aswar pour Demann Lasistans Senyer
Psonm David avek lakonpannyman enstrimantal.
1Mon Bondye ki zis!
Reponn mwan ler mon kriy ver ou.
Soulaz mwan ler mon dan detres.
Pran pitye pour mwan, ekout mon lapriyer.
2Zot bann zonm!
Pandan konbyen letan ankor
zot pou abes mon loner?
Pandan konbyen letan ankor
zot pou dir bann parol vid ek mansonz?
3Pa oubliye ki SENYER in met apar
sa enn ki reste fidel anver li.
SENYER i antann mwan ler mon apel li.
4Tranble dan ou leker, pa fer pese.
Lo ou lili, medit dan ou leker e reste trankil.
5Ofer bann sakrifis ki byen;
met ou konfyans dan SENYER.
6Bokou pe dir:
Lekel ki pou montre nou sa ki byen?
SENYER! Fer leve lalimyer ou lafas lo nou.
7Ou'n met lazwa dan mon leker,
plis ki dan letan
kan dible ek diven ti annabondans.
8Mon pou alonze e dormi anpe,
akoz ou SENYER, ou gard mwan an sekirite.
Currently Selected:
Psonm 4: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
