Psonm 3
3
Lapriyer Bomaten pour Demann Led
Psonm David ler i ti sove devan son garson Absalon.
1SENYER! Mon annan bokou lennmi.
Bokou pe leve kont mwan.
2Bokou pe dir lo mwan:
Bondye pa pou delivre li.
3Me ou, SENYER,
ou en boukliye protekter pour mwan;
ou mon loner e ou fer mwan fyer.
4Mon kriy for ver SENYER;
depi son montanny sen i reponn mwan.
5Mon alonze, mon dormi; apre mon leve.
SENYER i touzour la, akote mwan.
6Mon pa per menm si plizyer milye dimoun
i antour mwan lo tou kote.
7Leve SENYER!
Mon Bondye! Sov mwan.
Ou kalot mon bann lennmi lo zot lazou;
ou kas ledan mon bann malfeter.
8SENYER! Delivrans i dan ou lanmen.
Devers ou benediksyon lo ou pep.
Currently Selected:
Psonm 3: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
