Psonm 27
27
Lapriyer pour Loue Bondye
Psonm David.
1SENYER i mon lalimyer e mon sover.
Lekel ki mon pou per?
SENYER i mon protekter kont tou danze.
Mon pa pou zanmen per.
2Si bann malfeter i atak mwan pour detri mwan,
se zot menm mon bann ladverser
e mon bann lennmi ki tranble e tonbe.
3Menm si en larme i vin atak mwan,
mon pa pou per.
Menm si en lager i ganny deklare kont mwan,
mon pou gard mon konfyans.
4Mon'n demann SENYER en sel keksoz:
Reste dan tanp SENYER tou mon lavi,
pour admir labote SENYER
e kontanple li dan son tanp.
5Dan letan maler,
i pou gard mwan anba son twa;
i pou kasyet mwan anba son latant;
i pou met mwan an sekirite lo en gro ros.
6La anler, mon pou ganny laviktwar
lo mon bann lennmi ki antour mwan.
Mon pou kapab ofer bann sakrifis
dan son tanp,
avek laklamasyon e dan lazwa.
Mon pou sante,
mon pou zwe lanmizik pour SENYER.
7SENYER!
Ekout mwan ler mon apel ou.
Dan ou bonte, reponn mwan.
8Mon mazin sa ki ou'n dir:
Rod SENYER.
Alor SENYER!
Mon pe tourn ver ou.
9Pa kasyet ou vizaz;
ou'n touzour ed mwan.
Pa rezet mwan ou serviter, avek lakoler.
Ou ki'n delivre mwan,
pa rezet mwan, pa abandonn mwan.
Ou Bondye ki delivre mwan.
10Menm si mon papa ek mon manman i abandonn mwan,
SENYER pou resevwar mwan.
11SENYER! Montre mwan ou semen.
Akoz mon bann lennmi,
kondwir mwan lo en semen san danze.
12Pa les mwan tonm dan lanmen
mon bann ladverser,
akoz bann fo temwen in leve kont mwan;
zot respir lavyolans.
13Mon sir ki mon pou war labonte SENYER
lo sa later kot nou pe viv.
14Met ou lespwar dan SENYER;
reste for, repran kouraz.
Met ou lespwar dan SENYER.
Currently Selected:
Psonm 27: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
