Psonm 26
26
Lapriyer En Inosan
Psonm David.
1SENYER!
Deklar mwan inosan.
Mon'n anmenn en lavi san repros.
Mon'n met mon konfyans dan SENYER.
Mon pa pou tonbe.
2Teste mwan, SENYER!
Egzamin mwan, mon lespri ek mon leker.
3Ou fidelite i devan mwan,
mon mars avek fidelite anver ou.
4Mon pa frekant dimoun ki tronp lezot;
mon pa'n antre dan lakaz dimoun ipokrit.
5Mon deteste frekant bann ki fer sa ki mal
e mon pa asiz avek bann malfeter.
6Mon lav mon lanmen
pour montre mon linosans
e mon fer letour ou lotel, SENYER.
7Mon sant en kantik remersiman
pour tou bann mervey ki ou'n fer pour mwan.
8SENYER!
Mon kontan lakaz kot ou reste;
e landrwa kot laglwar ou prezans i ete.
9Pa balye mwan ansanm avek bann peser;
pa fer mwan mor parey bann kriminel.
10Zot lanmen i sal
avek bann aksyon degoutan.
Zot lanmen drwat i pare pour aksepte gous.
11Mon'n anmenn en lavi san repros.
SENYER!
Delivre mwan.
Pran pitye pour mwan.
12Mon debout ferm lo mon lipye.
Mon pou loue SENYER
dan bann gran lasanble.
Currently Selected:
Psonm 26: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
