Psonm 28
28
Lapriyer pour Demann Sekour
Psonm David.
1SENYER, mon apel ou!
Mon Ros protekter, pa refize ekout mwan.
Si ou pa reponn mwan,
mon pou parey bann ki desann dan latonm.
2Ekout mon siplikasyon kan mon kriy ver ou.
Mon lev mon lanmen ver ou,
dan ou sanktyer sen.
3Pa trenn mwan ansanm avek bann malfeter,
ni avek bann ki fer sa ki mal,
ki koz lape avek zot vwazen,
me zot leker i ranpli avek mesanste.
4Fer zot peye pour sa ki zot in fer
e dapre zot krim.
Tret zot parey zot in tret lezot.
Donn zot sa ki zot merite.
5Zot pa rekonnet travay SENYER
ni sa ki son lanmen in fer.
Alor, i pou detri zot
e zot pa pou zanmen releve.
6Mon loue SENYER
akoz in ekout mon siplikasyon.
7SENYER i mon lafors, i protez mwan.
Mon met mon konfyans dan li,
e i vin sekour mwan.
Mon pou loue li avek bann kantik.
8SENYER i lafors son pep;
i defann li e i sov sa enn
ki i'n konsakre.
9Sov ou pep SENYER!
Beni ou pep.
Vin son berze!
Vey lo li pour touzour.
Currently Selected:
Psonm 28: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
