Psonm 20
20
Lapriyer pou Demann Laviktwar
Psonm David. Pour sef lakoral.
1SENYER ava reponn ou ler ou dan lapenn.
Bondye Zakob ava protez ou.
2Dan son tanp, i ava anvoy son led
e depi Siyon, i ava soutenir ou.
3I ava mazin tou ou bann lofrann
e aksepte ou bann sakrifis konplet.
4I ava akord ou sa ki ou leker i dezire
e realiz tou ou bann plan.
5Alor, nou ava selebre ou laviktwar.
Nou ava fer flote paviyon
lo non nou Bondye.
SENYER ava akonpli tou sa ki ou demann li.
6Aprezan, mon konnen ki SENYER
pou sov sa enn ki i'n konsakre.
Depi son sanktyer dan lesyel,
i pou reponn li e donn li gran laviktwar
par lafors son lanmen drwat.
7Serten i kont lo zot kales lager;
lezot lo zot seval.
Me nou, nou met nou konfyans
dan SENYER nou Bondye.
8Alor, zot pou pliye e tonbe.
Me nou, nou pou reste debout.
9SENYER! Donn lerwa laviktwar.
Reponn nou ler nou apel ou.
Currently Selected:
Psonm 20: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
