Psonm 19
19
Laglwar Bondye dan Lakreasyon
Psonm David. Pour sef lakoral.
1Lesyel i rakont laglwar Bondye;
tou bann zetwal i proklanm travay son lanmen.
2Sak zour i anons li avek en lot zour;
lannwit i fer konnen avek lannwit ki swiv.
3I pa fer okenn diskour, ni dir okenn parol,
ni okenn son pour zorey antann.
4Me zot mesaz i ganny tande partou lo later.
Zot parol i fer letour lemonn.
Bondye in dres en latant pour soley.
5I parey en nouvo marye
ki sorti dan son lasanm.
Parey en atlet,
avek lazwa i lans li dan son lakours.
6I leve lo en bout lorizon
e i fini son lakours lo lot kote.
Napa nanryen ki sap son lasaler.
7Lalwa SENYER i parfe, i restor lavi.
Tou bann regleman SENYER i sir.
I donn lasazes sa enn ki senp.
8Bann direktiv SENYER i zis;
zot fer leker kontan.
Bann komannman SENYER i donn lalimyer;
zot fer war kler.
9Respe pour SENYER i pir;
i dire pour touzour.
Bann desizyon SENYER i vre,
e zot touzour zis.
10Zot pli presye ki lor,
ki en kantite lor pir.
Zot pli dou ki dimyel,
ankor pli dou ki dimyel ki koule dan gof.
11Menm mwan, ou serviter, mon ganny averti;
i annan gran rekonpans
pour sa enn ki met zot an pratik.
12Lekel ki kapab konn tou son fot?
Pardonn mwan mon bann pese sekre.
13Protez ou serviter kont bann arogan.
Pa les zot domin mwan,
pour ki mon ava san repros
e ganny prezerve kont okenn fot grav.
14Mon demann ou aksepte bann parol mon labous
e panse mon leker.
SENYER!
Ou menm mon Ros protekter!
Ou menm mon Sover!
Currently Selected:
Psonm 19: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
