Psonm 17
17
Lapriyer en Inosan
Lapriyer David.
1SENYER! Ekoute!
Mon kriy ver ou pour lazistis.
Port mon lapenn!
Ekout mon lapriyer
ki sorti dan en leker senser.
2Rann zizman dan mon faver.
Gete ki kote ki vre.
3Ou konn fon mon leker.
Dan lannwit ou'n vey lo mwan.
Menm si ou'n teste mwan,
ou pa'n war nanryen mal.
Dan mon labous pa'n sorti nanryen ki move.
4Mon pa'n dir nanryen kont lezot;
mon'n obei ou komannman;
mon pa'n swiv semen dimoun ki vyolan.
5Mon'n reste lo semen ki ou'n montre mwan;
mon lipye pa'n zanmen glise.
6Mon apel ou, mon Bondye,
akoz mon konnen ki ou pou reponn mwan.
Donn mwan ou latansyon, ekout mon lapriyer.
7Montre mwan ou fidelite.
Ou ki sov bann ki vin pran refiz kot ou,
kont zot bann ladverser.
8Gard mwan koman kannet ou lizye.
Kasyet mwan anba lonbraz ou lezel,
9kont bann malfeter ki oule atak mwan;
kont bann lennmi mortel ki antour mwan.
10Zot leker i san okenn pitye.
Zot labous i koz avek larogans.
11Zot in swiv mwan, la zot antour mwan.
Zot pe veye pour zet mwan ater.
12Zot parey en zenn lyon
ki'n kasyet dan brousay,
parey en lyon ki'n pare pour devore.
13Leve SENYER! Konfront zot. Fer zot tonbe.
Avek ou lepe, liber mwan kont mon bann lennmi.
14SENYER!
Dan ou pwisans, sas zot lo ou later,
lwen avek bann zabitan lemonn.
Sanmenm sa par ki zot merite dan sa lavi.
Fors zot manz sa ki ou'n rezerve pour zot.
Zot bann zanfan ava rasazye
e gard en pe pour zot bann pti zanfan.
15Me mwan, mon pou war ou lazistis.
Kan mon pou leve,
mon pou pran plezir kontanple ou.
Currently Selected:
Psonm 17: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
