Psonm 16
16
Lapriyer Konfyans
1Mon Bondye! Protez mwan.
Mon met mon konfyans dan ou.
2Mon dir SENYER:
Ou menm mon Senyer.
Ou menm sours tou mon lazwa.
3Bann ki fidel dan sa pei,
i donn mwan bokou plezir
Zot sen e nob.
4Dimoun ki swazir en lot bondye
pou konn en kantite soufrans.
Mon pa pou pran par
dan zot bann sakrifis disan.
Zot non pa pou sorti dan mon labous.
5SENYER! Ou menm mon soutyen
pour tou sa ki mon bezwen.
Mon lavi i dan ou lanmen.
6Mon kontan tou sa ki ou'n donn mwan.
Porsyon ki mon gannyen i pli zoli.
7Mon loue SENYER ki konsey mwan.
Mon konsyans i gid mwan, menm dan lannwit.
8Mon touzour fikse mon lizye lo SENYER.
SENYER i touzour prezan devan mwan.
Mon pa pou tonbe.
9Alor, mon leker i dan lazwa
e mon santi mwan an sekirite.
10Ou pa pou abandonn mwan
dan lemonn lanmor.
Ou pa pou les ou zanmi fidel fini dan lafos.
11Ou fer mwan konn semen lavi.
I annan labondans lazwa dan ou prezans.
Pre avek ou, lakontantman pa zanmen fini.
Currently Selected:
Psonm 16: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
