Psonm 15
15
Sa ki Senyer I Demande
Psonm David.
1SENYER!
Lekel ki kapab ganny resevwar dan ou tanp?
Lekel ki kapab vin reste
lo ou montanny sen?
2Sa enn ki san repros,
ki fer sa ki byen,
ki dir laverite e son leker i onnet;
3ki pa koz dimal lo son prosen,
ki pa fer ditor son zanmi,
ki pa ensilte son prosen,
4me i rezet bann malfeter,
e i onor sa enn ki annan respe pour SENYER.
I gard son promes, i annan en sel parol.
5I pret larzan san demann okenn lentere;
i pa aksepte gous pour akiz en inosan.
Sa enn ki fer tousala, pa pou zanmen tonbe.
Currently Selected:
Psonm 15: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
