Psonm 14
14
Mesanste Zonm
Psonm David, dan repertwar sef lakoral.
1Bann fou i dir dan zot leker:
Napa Bondye.
Zot koronpi.
Zot fer bann aksyon degoutan.
Personn pa fer sa ki byen.
2Lao dan lesyel, SENYER i get zabitan later
pour li war si i annan dimoun ki konpran
e ki vin rod Bondye.
3Zot tou, zot in egare;
zot tou, zot in koronpi.
Personn pa fer sa ki byen,
pa menm en sel.
4Eski sa bann malfeter i inyoran?
Zot pe devor mon pep;
zot pe manz son dipen.
Zot pa ni priy SENYER.
5Alor, zot pou tranble avek lafreyer,
akoz Bondye i lo kote bann ki zis.
6Zot mepriz lespwar en malere.
Me SENYER i son protekter.
7Lekel ki pou sorti Zerizalenm
pour delivre Izrael?
Kan SENYER ava anmenn sanzman
dan sityasyon son pep,
bann desandan Zakob pou dan lazwa;
pep Izrael pou rezoui.
Currently Selected:
Psonm 14: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
