Psonm 13
13
Lapriyer pour Demann Led
Psonm David dan repertwar sef lakoral.
1Ziska kan SENYER, ou pou oubliy mwan?
Pour touzour?
Ziska kan ou pou kasyet ou figir avek mwan?
2Ziska kan fodre ki mon pran traka
e viv tou le zour avek en leker sagren?
Ziska kan mon lennmi
pou pran lavantaz lo mwan?
3SENYER, Mon Bondye!
Regard mwan. Reponn mwan.
Vin ekler mwan.
Pa les mwan al dormi dan lanmor,
4akoz mon lennmi ava dir:
Mon'n pli for ki li.
Mon bann ladverser ava alor dan lazwa,
akoz mon'n tonbe.
5Me mwan, mon'n met mon konfyans
dan ou fidelite.
Mon leker i kontan akoz ou'n delivre mwan.
6Mon pou sant pour mon SENYER
akoz in fer mwan bokou dibyen.
Currently Selected:
Psonm 13: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
