Psonm 12
12
Lapriyer pour Demann Led
Psonm David, sorti dan repertwar sef lakoral, avek bann lenstriman wit lakord.
1SENYER! Mon kriy osekour.
Tou dimoun fidel in disparet.
Nepli annan personn ki ou kapab fer konfyans.
2Dimoun i koz manti avek kanmarad.
Zot flat avek zot labous,
me zot leker pa senser.
3SENYER! Elimin bann flater
ek sa bann gran labous ki dir:
4Nou konn koze, nou pli for;
personn pa fer nou per.
5SENYER i deklare:
Akoz bann pov in ganny kraze,
akoz bann ki dan bezwen pe plennyen,
mon pou pran aksyon.
Mon pou protez zot parey zot demande.
6Parol SENYER i pir.
I parey larzan ki'n ganny pirifye set fwa.
7SENYER! Gard nou.
Protez nou kont sa bann dimoun pour touzour.
8Zot pe rodaye partou
e koripsyon pe repann partou dan lemonn.
Currently Selected:
Psonm 12: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
