Psonm 11
11
Konfyans dan Senyer
Psonm David, dan repertwar direkter lakoral.
1SENYER i mon labri.
Ki mannyer ou kapab dir mwan:
Sov dan montanny parey en zwazo?
2Bann malfeter in ris zot lark;
zot in plas dart lo son lakord;
dan fernwanr, zot tir lo dimoun ki leker i drwat.
3Ki en dimoun zis i kapab fer
kan fondasyon lasosyete in ganny detri?
4SENYER i dan son tanp sen.
Lo son tronn dan lesyel,
i obzerv later ek son bann zabitan.
5SENYER i teste dimoun ki zis.
I deteste sa enn ki kontan vyolans.
6I pou fer tonm en lapli labrez sarbon ek souf
lo bann malfeter.
I pou soufle en divan tanpet.
7SENYER i zis.
I kontan bann aksyon ki zis.
Dimoun ki leker i pir ava kapab regard li anfas.
Currently Selected:
Psonm 11: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
