Psonm 10
10
Lapriyer pour Demann Lazistis
1SENYER! Akoz ou reste lwen avek mwan?
Akoz ou kasyet ou kan mon dan maler?
2Bann malfeter pa onte
pour eksplwat bann pov
e fer soufer bann malere.
Zot in ganny pri dan zot prop latrap.
3I vant son lekor akoz son bann move dezir.
Akoz in reisi, i gognard SENYER e mepriz li.
4Dan son larogans, i dir:
Bondye pa pini.
Dan son lespri i mazinen:
Bondye pa pou fer nanryen.
5I touzour reisi dan tou sa ki i antreprann.
Zizman Bondye pa afekte li.
I kraz son bann lennmi.
6I dir dan li menm:
Zanmen mon pou perdi;
zanmen mon pou tonm dan maler.
7Zis malediksyon, mansonz ek vyolans
ki sorti dan son labous.
Anba son lalang i annan zis forfe ek mesanste.
8I madre pour atake dan bann vilaz
e touy bann dimoun inosan.
I vey bann ki san defans.
9Parey en lyon, i kasyet an sekre dan brousay.
I espere pour li atrap en malere.
Kan in atrap li, i trenn li dan son latrap.
10Sa enn ki san sipor i ganny ansonmen, kraze.
I tonm anba pouvwar bann malfeter.
11I dir dan li menm: Bondye in oubliye;
in kasyet son figir,
i pa pou zanmen war nanryen.
12Leve SENYER! Mon Bondye! Lev ou lanmen.
Pa oubliy bann malere!
13Akoz bann malfeter pa antren Bondye?
Akoz zot dir dan zot leker:
Bondye pa pou demann mwan rann kont?
14Me ou war tou sa ki pe pase:
Ou war zot soufrans ek zot lapenn.
Ou fer sir ki tou i dan ou lanmen.
Malere i met son konfyans dan ou
e se ou ki vin osekour bann orfelen.
15Kas lebra bann malfeter.
Fer zot pey pour tou zot bann move aksyon,
ziska ki zot disparet devan ou.
16SENYER i lerwa pour touzour.
Bann nasyon pou disparet dan son pei.
17SENYER!
Ou ekout lapriyer bann dimoun ki annan limilite.
Ou pou redonn zot kouraz, e ekout zot,
18pour ou etabli lazistis an faver bann orfelen
ek sa enn ki ganny kraze.
Konmsa, personn lo later
pa pou kapab senm lafreyer ankor.
Currently Selected:
Psonm 10: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
