LOUTAO 98
98
Ramai nou Teideiphao Khasa-a Hrülai
1Lou shitho ali Mapao hisü soungao peikhaio;
puhnou khupayu vah haso khesü soupei khaitoue!
Lah puhvei khouko ae sheeyu puhvei pfüchi
sünou veilouyu sü souloue.
2 Mapao nou kolouyu nasü paosü peiwure;
puhvei khailupa peiyu khouko nasü tyahrü veishi hi süngao peie.
3Puhnou Israel maitao hi apaokhai touyu nasü thaifüa puhnou
puletao hi chilee cheche-a ae tobai soumoa leshi peie.
Etao Ramai nou veilouyu nasü deiphao mai hrülai nou ngaoloure.
4Deiphao veishi, Mapao ye lesa shoa nou lou sousho khaio;
puhye sü shurao soua nou lou sousho khaio!
5 Mapao ye lou sousholo!
Paikho veisho-a nou poa lou souyu basei khesü dakhaio!
6Shabe ae hakai khesü nghoukhaio,
ae asah soua nou Etao vei veo Mapao hisü shakhaio.
7Zai, ae sühinou hrüyu hrikhaona veishi, shusoua rakhaio;
deiphao, ae sühinou hrüa buyu teitei, lou soukhaio!
8Reidzü taore, neletao bah phakhaio;
deichi taore, Mapao nghoujü hinou asah soua lou soukhaio,
9daiolouzü puhnou tave teideiphao sü khasa-a bulaire.
Puhnou deiphao maiye sü kaozü hinou ae acheche hinou khosa-a hrülai.
Currently Selected:
LOUTAO 98: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
